ຍີນດີຕ້ອນຮັບເຂົ້າສູ່ເວັບໄຊທ໌ ຂອງກົມເຄຫາ ແລະ ຜັງເມືອງ

ໂດຍ ທ່ານ ຄໍາທະວີ ໄທພະຈັນ
ຫົວໜ້າ ກົມເຄຫາ ແລະ ຜັງເມືອງ (ກະຊວງໂຍທາທິການແລະຂົນສົ່ງ)

ປັດຈຸບັນນີ້, ວຽກງານການເຜີຍແຜ່ຂໍ້ມູນຂ່າວສານ ກໍແມ່ນວຽກງານໜຶ່ງທີ່ມີຄວາມສຳຄັນ ແລະ ມີ ຄວາມຈຳເປັນໃນຍຸກໂລກາພິວັດ ເພື່ອສາມາດເຊື່ອມຍົງການເຂົ້າເຖິງຂໍ້ມູນຊຶ່ງກັນ ແລະ ກັນ. ໃນນັ້ນ ກົມເຄຫາ ແລະ ຜັງເມືອງ ກໍແມ່ນໜຶ່ງໃນ 13 ກົມກອງ ທີ່ຂຶ້ນກັບ ກະຊວງ ໂຍທາທິການ ແລະ ຂົນສົ່ງ ຊຶ່ງມີພາລະບົດບາດ ໃນການຄຸ້ມຄອງມະຫາພາກ ຢູ່ຂົງເຂດວຽກງານເຄຫາ, ຜັງເມືອງ, ພັດທະນາຕົວເມືອງ ແລະ ນ້ຳປະປາ ໃນຂອບເຂດທົ່ວປະເທດ. ປັດຈຸບັນ ຂົງເຂດຂະແໜງການຂອງພວກເຮົາແມ່ນໄດ້ມີນິຕິກໍາ ຈໍານວນໜຶ່ງ ຕົ້ນຕໍແມ່ນ ກົດໝາຍວ່າດ້ວຍຜັງເມືອງ, ກົດໝາຍວ່າດ້ວຍ ນ້ຳປະປາ ແລະ ກົດໝາຍ ວ່າດ້ວຍ ການກໍ່ສ້າງ. ນອກຈາກນີ້ ກໍໄດ້ມີບັນດາ ດຳລັດ, ມະຕິ, ຄຳສັ່ງ, ຂໍ້ຕົກລົງ ແລະ ລະບຽບການຂອງກະຊວງ ລວມທັງກຳໜົດໝາຍທາງດ້ານເຕັກນິກ ເພື່ອເປັນເຄື່ອງມືໃນການຄຸ້ມຄອງ ວຽກງານດັ່ງກ່າວ. ສະນັ້ນ, ເພື່ອເປັນການເຜີຍແຜ່ ບັນດານິຕິກຳ ແລະ ຂໍ້ມູນຂ່າວສານດັ່ງກ່າວ ກ່ຽວກັບວຽກງານ ຂອງ ກົມເຄຫາ ແລະ ຜັງເມືອງ ຕາມພາລະບົດບາດໜ້າທີ່ກໍຄື ໃຫ້ບັນດາພະນັກງານ, ລັດຖະກອນ, ນັກສຶກສາ, ນັກທຸລະກິດ ແລະ ປະຊາຊົນໄດ້ຮັບຮູ້ ແລະ ເຂົ້າໃຈ; ພ້ອມທັງເພື່ອປະຕິບັດໃຫ້ຖືກຕ້ອງ ແລະ ບັນລຸ ຕາມເປົ້າໝາຍ ຈຶ່ງໄດ້ ສ້າງເວັບໄຊຂອງກົມເຄຫາ ແລະ ຜັງເມືອງຂຶ້ນ ແລະ ຈະໄດ້ສືບຕໍ່ປັບປຸງປ່ຽນແປງ. ເພື່ອໃຫ້ມີຄວາມອຸດົມສົມບຸນ ແລະ ຄົບຖ້ວນຂຶ້ນເລື້ອຍໆ ໂດຍອີງໃສ່ຄວາມຮຽກຮ້ອງຕ້ອງການຂອງສັງຄົມ.

ອ່ານລາຍລະອຽດ...


    ໃນ​ຕອນ​ເຊົ້າ​ ວັນ​ຈັນ ວັນທີ 21 ​ມັງ​ກອນ​ 2014 ຜ່ານ​ມານີ້, ກະ​ຊວງ​ໂຍ​ທາ​ທິ​ການ ແລະ ຂົນ​ສົ່ງ, ໄດ້​ຈັດ​ພິ​ທີ​ມອບ​ໃບ​ຢັ້ງ​ຢືນ​ໜ່ວຍ​ພັກ​ແຂງ ຮູ້​ນຳ​ພາ​ຮອບ​ດ້ານ​ໃຫ້​ແກ່​ກົມ​ເຄ​ຫາ ແລະ ຜັງ​ເມືອງ ເຊິ່ງ​ໄດ້​ໃຫ້​ກຽດ​ມອບ​ໂດຍ ທ່ານ ສົມ​ມາດ ​ພົນລເສ​ນາ ລັດ​ຖະ​ມົນ​ຕີ​ວ່າ​ການ, ກະ​ຊວງ​ໂຍ​ທາ​ທິ​ການ ແລະ ຂົນ​ສົ່ງ, ແລະ ໃຫ້​ກຽດ​ຮັບ​ໂດຍ ທ່ານ ຄຳທະ​ວີ​ ໄທ​ພະ​ຈັນ ຫົວ​ໜ້າ​ກົມ​ເຄ​ຫາ ແລະ ຜັງ​ເມືອງ. ໃນ​ພິ​ທີ​ຮັບ​ໃບ​ຢັ້ງ​ຢືນ​ຄັ້ງ​ນີ້ໄດ້​ມີ​​ທ່ານ​ຕາງ​ໜ້າກົມ​ ກອງອ້ອມ​ຂ້າງ​ ກະ​ຊວງ​ ຍ​ທ​ຂ ເຂົ້າ​ຮ່ວ​ມເປັນ​ສັກ​ຂີ​ພະ​ຍານ​ນຳ .

  • ອ່ານລາຍລະອຽດ..



    ຄັ້ງວັນທີ 12 ພະ​ຈິກ ປີ 2013 ຜ່ານມານີ້ ກະ​ຊວງ​ສາ​ທາ​ລະ​ນະ​ສຸກ, ແຮງ​ງານ ແລະ ສະ​ຫວັດ​ດີ​ການ, ປະ​ເທດ ຍີ່​ປຸນ ແລະ ກະ​ຊວງ ໂຍ​ທາ​ທິ​ການ ແລະ ຂົນ​ສົ່ງ, ປະ​ເທດ​ລາວ ໄດ້​ຈັດ​​ກອງ​ປະ​ຊຸມສຳ​ມະ​ນາ​ນ້ຳ​ປະ​ປາ​​ຮ່ວມ​ກັນຂຶ້ນ​ທີ່​ໂຮງ​ແຮມ​ລາວ​ພ​ຣາ​ຊ່າ , ນະ​ຄອນ​ຫລວງວຽງ​ຈັນ ພາຍ​ໃຕ້​ການ​ເປັນ​ປະ​ທານ​ຂອງ ທ່ານ ລັດ​ຕະ​ນະ​​ມະ​ນີ ຄູນ​ນິ​ວົງ ລັດ​ຖະ​ມົນ​ຕີ​ຊ່ວຍ​ວ່າ​ການ, ກະ​ຊວງ​ໂຍ​ທ​າ​ທິ​ການ ແລະ ຂົນ​ສົ່ງ, ໂດຍ​ມີ​ຜູ້​ເຂົ້າ​ທັງ​ໝົດເກືອບ 200 ທ່ານ, ໃນ​ນັ້ນ​ມີ​ຜູ້​ເຂົ້າ​ຮ່ວມ​ຈາກ​ລາວ 120 ທ່ານ .

  • ອ່ານລາຍລະອຽດ..


    ຄັ້ງວັນທີ 14 ພະ​ຈິກ ປີ 2013 ຜ່ານມານີ້ ໂຄງ​ການ ພັດ​ທະ​ນາ​ຄວາມ​ອາດ​ສາ​ມາດ ດ້ານ​ການ​ຄຸ້ມ​ຄອງ​ໃຫ້​ແກ່​ຂະ​ແໜງ​ນ້ຳ​ປະ​ປາ​ຂອງ ສ​ປ​ປ ລາວ​ເຊິ່ງ​ເປັນ​ໂຄງ​ການ​ຄຸ້ມ​ຄອງ​ຂອງ ກົມ​ເຄ​ຫາ ຜັງ​ເມືອງ ແລະ ຫ້ອງ​ການ​ດັດ​ສົມ​ນ້ຳ​ປະ​ປາ, ກະ​ຊວງ ຍ​ທ​ຂ ໄດ້​​ຈັດກອງ​ປະ​ຊຸມ​ສຳ​ມະ​ນາ​ສາ​ກົນ​ຂຶ້​ນ​ຢູ່​ເມືອງ​ຫລວງ​ພ​ຣະ​ບາງ, ພາຍ​ໃຕ້​ຫົວ​ຂໍ້​ນ້ຳ​ປະ​ປາ​ສາ​ມາດ ດື່ມ​ໄດ້​ຈາກ​ກ໋ອກ ທຸກ​ທີ່​ ທຸກ​ເວ​ລາ.ເຊິ່ງ​ມີ​ຜູ້​ເຂົ້າ​ຮ່ວມ​​ທັງ​ໝົດ​ 124 ທ່ານ, ຈາກ 4 ປະ​ເທດ, ປະ​ເທດ​ກຳ​ປູ​ເຈຍ, ປະ​ເທດ ຫວຽດ​ນາມ, ປະ​ເທດ​ຍີ່​ປຸ່ນ ແລະ ປະ​ເທດ​ລາວ .

  • ອ່ານລາຍລະອຽດ..


    ຄັ້ງວັນທີ 13 ສິງຫາ ປີ 2013 ຜ່ານມານີ້ ລັດຖະບານ ຍີ່ປຸ່ນໄດ້ໃຫ້ທຶນຈຳນວນ 1,643 ລ້ານເຢັນ (ຫລື ກວ່າ 130 ຕື້ ກີບ )ໃຫ້ແກ່ລັດຖະບານຂອງ ສປປ ລາວເພື່ອທຳການສຳຫລວດ ແລະ ກໍ່ສ້າງໃນການ ພັດທະນາໂຮງງານນ້ຳປະປາຢູ່ແຂວງຄຳມ່ວນ. ເຊັນຮັບເອົາການຊ່ວຍເຫລືອຕ່າງໜ້າ ກະຊວງ ຍທຂ ແມ່ນ ທ່ານ ຄຳທະວີ ໄທພະຈັນ ຫົວໜ້າ ກົມເຄຫາ ແລະ ຜັງເມືອງ ແລະ ທ່ານ TAKEMASA MAIMIYA ບໍລິສັດ ທີ່ປຶກສາ Nihon Suido ຈາກປະເທດຍີ່ປຸ່ນ ພາຍໃຕ້ການເປັນສັກຂີພະຍານ ຂອງ ທ່ານ ດຣ ບຸນຈັນ ສິນທະວົງ ລັດຖະມົນຕີຊ່ວຍວ່າການ, ກະຊວງ ໂຍທາທິການ ແລະ ຂົນ ແລະ ພະນັກງານການນຳ ກົມກອງອ້ອມຂ້າງກະຊວງເຂົ້າ.

  • ອ່ານລາຍລະອຽດ..

    ຄັ້ງວັນທີ 12 ເດືອນ ມີຖຸນາ ປີ 2013 ກົມເຄຫາ ແລະ ຜັງເມືອງ ໄດ້ຈັດຝຶກອົບຮົມຊ່ວຍເຫຼືອທາງດ້ານວິຊາການໃຫ້ແກ່ວິຊາການ ແຂວງ ບໍລິຄຳໄຊ.

  • ອ່ານລາຍລະອຽດ..

    ກະ​ຊວງ ໂຍ​ທາ​ທິ​ການ ແລະ ຂົນ​ສົ່ງ​ແຫ່ງ ສ​ປ​ປ ລາວ ແລະ ກະ​ຊວງ ສິ່ງ​ແວດ​ລ້ອມ ແຫ່ງ ສ. ເກົາ​ຫລີ ໄດ້​ຈັດ​ສຳ​ມະ​ນາ​ກ່ຽວ​ກັບ​ການ​ຄຸ້ມ​ຄອງ​ນ້ຳ​ປະ​ປາ ແລະ ນ້ຳ​ເປື້ອນ​ໃນ​ຕົວ​ເມືອງ


ທ່ານ ດຣ. ບຸນຈັນ ສີນທະວົງ ລັດຖະມົນຕີ ຊ່ວຍວ່າການ ກະຊວງ ຍທຂ ໄດ້ຕ້ອນຮັບ ທ່ານ Jeong Yeon Man ລັດຖະມົນຕີ ຊ່ວຍວ່າການ ກະຊວງ ສີ່ງແວດລ້ອມ ພ້ອມດ້ວຍຄະນະ ຈາກ ສ. ເກົາຫລີ ເພື່ອຮ່ວມມືກັນ: - ເຊັນບົດບັນທຶກຄວາມເຂົ້າໃຈ “ ນະໂຍບາຍ ກ່ຽວກັບເຕັກໂນໂລຊີ ການຄຸ້ມຄອງນໍ້າປະປາ ແລະ ນໍ້າເປື້ອນ “ ພ້ອມທັງຈັດສໍາມະນາ ກ່ຽວກັບ “ ການຄຸ້ມຄອງນໍ້າປະປາ ແລະ ນໍ້າເປື້ອນ ຢູ່ໃນ ສປປ ລາວ ໃນວັນທີ 15 ພຶດສະພາ 2013 ທີ່ ໂຮງແຮມລາວພລາຊາ ໂດຍມີແຂກ ຈາກ ສ.ປ ເກົາຫລີ, ສູນກາງ ແລະ ທ້ອງຖີນເຂົ້າຮ່ວມ 70 ກວ່າຄົນ.

ເປັນກຽດເຂົ້າຮ່ວມໂດຍມີທ່ານຕາງໜ້າຈາກກົມກອງອ້ອມຂ້າງກະຊວງ ຍທຂ, ກົມ​ເຄ​ຫາ ແລະ ຜັງ​ເມືອງ, ພະ​ນັກ​ງານ​ການ​ນຳ​ຈາກ​ຕ່າງ​ແຂວງ​ທີ່​ໄດ້​ຮັບ​ການ​ສະ​ໜັບ​ສະ​ໜູນ​ຈາກ​ອົງ​ການ KOICA

    ຄະນະກົມ ແລະ ຄະນະພະແນກກົມເຄຫາ ແລະ ຜັງເມືອງເຂົ້າອ່ວຍພອນປີໃໝ່ລາວ


ເນື່ອງໃນໂອກາດສົ່ງທ້າຍປີເກົ່າ ແລະ ຕ້ອນຮັບປີ ໃໝ່ ພສ 2556 ການນຳກົມເຄຫາ ແລະ ຜັງເມືອງ ທ່ານ ຄຳທະວີ ໄທພະຈັນ ຫົວໜ້າກົມເຄຫາ ແລະ ຜັງເມືອງພ້ອມດ້ວຍຄະນະໄດ້ເຂົ້າອ່ວຍພອນປີໃໝ່ ທ່ານ ສົມມາດ ພົລເສນາ ລັດຖະມົນຕີວ່າການ ກະຊວງ ໂຍທາທິການ ແລະ ຂົນສົ່ງ

    ໂຄງການ ພັດທະນາຄວາມອາດສາມາດ ດ້ານການຄຸ້ມຄອງໃຫ້ແກ່ຂະແໜງນ້ຳປະປາ


ທ່ານ ຄຳທະວີ ໄທພະຈັນ ຫົວໜ້າກົມເຄຫາ ແລະ ຜັງເມືອງ ແລະ ທ່ານ ມາຊາໂຕະ ໂຕະກາວາ ຫົວໜ້າຫ້ອງການໄຈກາ ໄດ້ເປັນປະທານຮ່ວມໃນການເປີດກອງປະຊຸມລິເລີ່ມ ໂຄງການພັດທະນາຄວາມອາດສາມາດດ້ານການຄຸ້ມຄອງໃຫ້ແກ່ຂະແໜງນ້ຳປະປາຂອງ ສປປ ລາວ ກອງປະຊຸມດັ່ງກ່າວໄດ້ຈັດຂຶ້ນໃນວັນທີ 10 ຕຸລາ 2012 .

ເປັນກຽດເຂົ້າຮ່ວມໂດຍມີທ່ານຕາງໜ້າຈາກກົມກອງອ້ອມຂ້າງກະຊວງ ຍທຂ, ອົງການຈັດຕັ້ງສາກົນ, ໂຄງການອ້ອມຂ້າງກົມ ແລະ ບັນດາອຳນວຍການ ລັດວິສະຫະກິດ ນ້ຳປະປາ ພ້ອມພະນັກງານ ຈາກ 3 ໂຄງການ ຕົວແບບເຂົ້າຮ່ວມ(ລັດວິສະຫະກິດ ນ້ຳປະປາ ນະຄອນຫລວງ, ຫລວງພະບາງ ແລະ ແຂວງ ຄຳມ່ວນ)

    ໂຄງການ ພັດທະນາລະບົບນ້ຳປະປາຕົວເມືອງທ່ານແຂກ


ໂຄງການພັດທະນາລະບົບນ້ຳປະປາເມືອງທ່າແຂກ, ແຂວງຄຳມມ່ວນລະຫ່ວາງກົມເຄຫາ ແລະ ຜັງເມືອງ, ອົງການໄຈກາ ແລະ ພະແນກ ຍທຂແຂວງຄຳມ່ວນ ຈັດຂຶ້ນທີ່ກົມເຄຫາ ແລະ ຜັງເມືອງຄັ້ງວັນທີ 9 ເດືອນ ກັນຍາ 2012

    ໂຄງການ ນ້ຳປະປາຕົວເມືອງໄຊ, ແຂວງ ອຸດົມໄຊ


ພິທີເຊັນບົດບັນທຶກ ການປຶກສາຫາລື ລະຫ່ວາງທິມງານສຳຫລວດ KOICA ກັບກົມເຄຫາ ແລະ ຜັງເມືອງກ່ຽວກັບນ້ຳປະປາເມືອງໄຊ, ແຂວງອຸດົມໄຊ ຄັ້ງວັນທີ 26 ພະຈິກ 2012, ທີ່ກະຊວງ ໂຍທາທິການ ແລະ ຂົນສົ່ງ
ເປັນກຽດເຂົ້າຮ່ວມພິທີດັ່ງກ່າວມີທ່ານ ກວັນ ຢັງອຶຍ ຜູ້ຕາງໜ້າອົງການຮ່ວມມືສາກົນເກົາຫຼີ ປະຈຳ ສປປ ລາວ, ຕາງໜ້າກົມແຜນການຮ່ວມມື, ກະຊວງ ຍທຂ, ທ່ານ ສີນວນ ຄຳດີ ຮອງຫົວໜ້າພະແນກ ຍທຂ ແຂວງ ອຸດົມໄຊ, ອຳນວຍການ ລັດວິສະຫະກິດ ນ້ຳປະປາແຂວງ ແລະ ບັນດາຄະນະພະແນກອ້ອມຂ້າງກົມ ພ້ອມດ້ວຍພະນັກງານວິຊາການເຂົ້າຮ່ວມ.

ຫົວເລື່ອງໃໝ່

    ໂຄງການກໍ່ສ້າງສະໜາມກິລາຊີເກມ ຄັ້ງທີ XXV ປີ 2009

    ໂຄງການກໍ່ສ້າງສະຫນາມກິລາຊີເກມຄັ້ງທີ XXV ປີ 2009. ຕັ້ງຢູ່ ນະຄອນຫລວງວຽງຈັນ ບໍລິເວນຫລັກ 16  ເສັ້ນທາງ 13 ໄຕ້, ໃນເຂດຈັດສັນ ລວມມີ: ເຂດຈັດສັນສະ ໜາມກິລາ 125 ເຮັກຕາ, ເຂດເພື່ອຮອງຮັບການຂະຫຍາຍ ຕົວຂອງສະໜາມກິລາ 28 ເຮັກຕາ. 

    ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ,
    ຜູ້ປະຈຳ ການລັດຖະບານ ກ່າວຄຳປາໄສ ໃນພິທີວາງສີລາລຶກ
    ໂຄງການ ກໍ່ສ້າງດັ່ງກ່າວ 

     

    ໃນເຂດຈັດສັນສະໜາມກິລານັ້ນລວມມີ:
    • ສະຫນາມກິລາຫລັກ ສາມາດຮອງຮັບຜູ້ຊົມໄດ້ 20,000 ບ່ອນນັ່ງ ຫນຶ່ງສະຫນາມ,
    • ສະຫນາມກາງແຈ້ງສຳລັບຝຶກຊ້ອມ ແລະ ອົບອຸ່ນຮ່າງກາຍ ເຕະບານພ້ອມທັງຝຶກແອບແລ່ນ-ລານ ຫນຶ່ງສະ ຫນາມ.
    • ສະຫນາມກິລາໃນຮົ່ມສອງຫຼັງ, ແຕ່ລະສະໜາມ ສາ ມາດ ຮອງຮັບຜູ້ຊົມໄດ້ 3,000  ບ່ອນນັ່ງ. ໃນນີ້ 1000 ບ່ອນນັ່ງສາມາດເຄື່ອນຍ້າຍໄດ້



    ເມື່ອວັນທີ : 2010-08-20 23:02:53

    ອ່ານລາຍລະອຽດ...

ຫົວເລື່ອງຜ່ານມາ

    cannot connect